पञ्चकन्या गाउँपालिकाको नीति तथा कार्यक्रम अनुसार श्रमदान मार्फत विकासका काम गरिदै

समाचार

गृहपृष्ठ
समाचार
पञ्चकन्या गाउँपालिकाको नीति तथा कार्यक्रम अनुसार श्रमदान मार्फत विकासका काम गरिदै

पञ्चकन्या गाउँपालिकाको नीति तथा कार्यक्रम अनुसार श्रमदान मार्फत विकासका काम गरिदै

बुधबार, फागुन ३०, २०८० सरोज के.सी. "सरोवर"

नुवाकोट । “कोही भन्दा छैन कम, पालिकालाई एक दिन श्रम” भन्ने मूल नाराका साथ पञ्चकन्या गाउँपालिकाको वडा नं ५ ले श्रममा आधारित विकास निर्माणका कामलाई अगाडि बढाएको छ ।

बुदिसेरा वडा कार्यालय हुँदै गाउँपालिका आउने सडकमा श्रमदान मार्फत गाउँमै उपलब्ध श्रोत र साधनबाट सडक सोलिङ लगायत अन्य विकास निर्माणका कामहरु गरिरहेको छ । पञ्चकन्या गाउँपालिका वडा नं ५ का वडा अध्यक्ष माधव प्रसाद सिटौलाका अनुसार यो अभियानले आफ्नो गाउँ आफै बनाउँछौ भन्ने भावना जागृत गरी श्रममा आधारित विकास निर्माणका काम पनि गरिरहेका हो ।

गाउँमा रहेका सार्वजनिक स्थानहरुको संरक्षण, कृषि कार्यमा हातेमालो, सडक मर्मत, बिद्यालय र स्वास्थ्य चौकी सरसफाईका काममा स्थानीयहरुलाई जोडिएर श्रमदान मार्फत विकासका लागि आह्वान गरिएको वडा अध्यक्षको भनाई रहेको छ ।

यसरी सुरु गरिएको अभियानमा पञ्चकन्या गाउँपालिका रोजगार संयोजकका अनुसार जनताहरूको उत्साह बढाउने यस अभियानमा सामाजिक कार्यमा श्रमदान गर्न समेत जोड दिईएको छ । जनपक्षीय काममा संलग्नताले गाउँमा उत्साह जगाईरहेको र विकासका काममा समेत सहकार्य भईरेहेको छ । गाउँपालिकाको कर्मचारीको उपस्थिति र स्थानीय जनताको प्रत्यक्ष सहभागितामा श्रमदानको काम भै रहेका छन् ।

प्रकाशित मिति: बुधबार, फागुन ३०, २०८० १२:०६

प्रतिक्रिया दिनुहोस्